Antonio Amenedo, coñecido como “O cociñeiro do pazo” pode presumir dunha amplia carreira gastronómica.

Con algo máis de vinte anos como xefe de cociña do pazo de Santa Cruz de Mondoi, deseña e elabora os menús para as grandes celebracións.

Figura habitual de Madrid Fusión onde impartiu en diversas edicións a aula de formación para Mackro, e asistente de moitos eventos coma Gastronomika de San Sebastián.

Antonio pertence tamén ao grupo Coruña Cociña, un colectivo que agrupa aos máis interesantes cociñeiros da provincia e que, baseándose na transversalidade e pluraliade de estilos, traballa ao redor dunha personalidade gastronómica propia e diferenciada para A Coruña.

Non fai falla que demostre nada máis porque a súa cociña e maestría con ingredientes do mar e da terra é de sobra coñecida. Por iso, non se nos ocorre mellor personalidade que a de Antonio para levar a cabo os obradoiros de cociña mariñeira de Miño.